ရှေ့မြို့ရိုးမှာ
လိပ်ပြာတွေဝဲ
ဘဝတချို့က…
မရှိတဲ့ သိက္ခာတွေမွဲတတ်ကြရင်း...
လူယောင်ဆောင်ထားတဲ့ ဖွဲတွေလိုအပြိုင်….
လောင်ကျွမ်းနေကြတယ်၊
ဟုတ်တယ်….
အမှတ်တရများစွာထဲက
လိပ်စာမရှိတဲ့ ဖိတ်စာတွေကြား၊
အရာရာဟာ လူးလွန့်ရင်း…
သံစဉ်တွေကို
ချေမွထားတတ်ကြတယ်၊
မှောင်မိုက်တွေက
အတိတ် တစက်စက်နဲ့ ၊
တိမ်စိုင်တွေကြားလွင့်ပျံကြရင်း….
မှင်ရေတွေကို အတင်းထွင်းထု၊
သစ်ပင်အတုတွေကို
ပုံဖော်နေကြတယ်…၊
အရာရာ တိတ်ဆိတ်သွားတဲ့အခါမှ၊
ဒါဏ်ရာတွေကို ချော့သိပ်ကြရင်း…
နေရောင်တွေကြား
အဓိပ္ပာယ်ကွက်ကျားနဲ့
အိပ်စက်နေကြလေရဲ့…။
နေ
No comments:
Post a Comment