ပျော်ရွှင်မှုတွေကိုခွာချ
ငါ့ညတွေမှာ လိုက်ကာမရှိခဲ့ဘူး ၊
ကြယ်တစ်ပွင့်ရဲ့ စကားတွေကို
ဘာသာမပြန်တတ်ခဲ့တော့...
ကောင်းကင်ဆိုတာ ငါ့အတွက်
ဝေးနေတုန်းပဲ ၊
ပင်လယ်စပ်နားရောက်တာတောင်
ချောင်းကို မခွဲနိုင်သေးတဲ့ ငါးတစ်ကောင်လို
ငါ့အသိဉာဏ်တွေကိုက...
တုံးလွန်းတယ် ၊
သဲမှုန်ဟန်ဆောင်ထားတဲ့
ငါ့အတ္တတွေကို ခြေအစုံနဲ့ နင်းချေ...
အဝေးဆုံးကို ထွက်သွားကြ ၊
ပထမဆုံးဆိုတဲ့
ဆေးလိပ်တစ်လိပ်ကို ငါ မီးညှိချိန်
လောင်ကျွမ်းသွားတာက
တစ်ဘဝလုံးပဲ . . . ။ ။
No comments:
Post a Comment